Lieder

• JEVERland

  Mien Jeverland, wo leev ik di

  1. Mien Jeverland, wo leev ik di, daar liggt mien Hart. mien Glück!
     Daar liggt de ganze Welt vör mi, daar tüschen Warft un Diek.
     Daar liggt dat all in'n Sünnenschien, un wat ik seh, is mien, is mien:
     Daar sün ik tohuus! Daar sün ik tohuus.
     
     
  2. Daar liggt mien Dörp, mien School, mien Kark. Daar kenn ik Boom un Struuk.
     Daar klingt mien Spraak so slicht un stark. Daar gellt noch ölen Bruuk.
     De Mannslüüd taach van harten Holt, de Frolüüd blond un slank un stolt:
     Daar sün ik tohuus.
     
     
  3. Daar steiht mien Huus - daar weer ik Kind - un de lang Schüür daar an!
     De hogen Möhlen dreiht de Wind. Mien Klocken klingt mi an.
     Van See her bruust de Wind in't Land. Daar an de gröne Waterkant,
     daar sün ik tohuus.
     
     

• Butjadingen

  Du liggst so stolt, so smuck un riek

  1. Du liggst so stolt, so smuck un riek
     dor an de Waterkant;
     dien golden Ring, dat is de Diek,
     dien Kleed dat gröne Land.
     
     Keen bäter Land is unnern Heben.
     Hurra Butjarland, du schast leben:
     hurra Butjarland, hurra Butjarland!
     
     
  2. Dien Pär un Keuh gaht dör de Welt,
     dien Schäpen wiet un siet,
     von männig stolten starken Held
     verteilt de öle Tied.
     
     Keem' Graf un Bischop ok is faken,
     se kunnen di doch all nicks maken.
     Hurra ...
     
     
  3. Dien Deerns hefft Ogen blau un klar,
     un Rosen up de Back;
     se hefft dat moje gäle Haar,
     de Schelm sitt ähr in'n Nack.
     
     So weer dat all in ölen Tieden,
     Butjenter Deerns mag jeder lieden.
     Hurra ...
     
     
  4. Dien Jungens, de sünd risch un stolt
     un jeder steiht sien Mann;
     se staht just äs 'n Boom in't Holt
     un seggt: "Fah't mi nich an".
     
     Se haut dor up, äs wer't old Isen,
     just äs de ölen freen Friesen.
     Hurra ...
     
     
  5. Wenn 't Water hen na See to geiht,
     wenn's abends de Bäklock klingt;
     wenn 't ruschelt in dat hoge Reiht,
     un wenn de Lauerk singt,
     
     denn klingt un singt dat unnern Heben:
     Hurra Butjarland, du schast leben.
     Hurra ...
     
     

• Oldenburg

  Heil dir, o Oldenburg

  1. Heil dir, o Oldenburg! Heil deinen Farben!
     Gott schütz dein edles Roß, er segne deine Garben!
     Heil deinem Volke. Heil!
     Das treu dir zugewandt, das du so hoch beglückst, mein Vaterland!
     
     
  2. Ehr' deine Blümelein, pfleg' ihre Triebe,
     sie blühen blau und rot, die Freundschaft und die Liebe.
     Wie deine Eichen stark, wie frei des Meeres Flut,
     sei freier Männer Kraft dein höchstes Gut!
     
     
  3. Wer deinem Herde naht, fühlt augenblicklich,
     daß er hier heimisch ist, er preiset sich so glücklich.
     Führt ihn sein Wanderstab auch alle Länder durch,
     du bleibst sein liebstes Land, mein Oldenburg!
     
     

• Ostfriesland

  In Ostfreesland is't am besten

  1. In Ostfreesland is't am besten,
     over Freesland geiht der niks
     War sünd wall de Wichter mojer.
     war de Jungse wall so fix.
     
     In Ostfreesland mag ik wesen,
     anners nargens lever wesen,
     over Freesland geiht der niks,
     over Freesland geiht der niks.
     
     
  2. Nee, 't is nargens, nargens beter
     as war hoch de Dicken stahn,
     war up 't Eiland an de Dünen
     hoch hennup de Bulgen slaan;
     
     war so luut de Noordsee bullert,
     war ji könen up de Dullert
     [Dreemast-Schepen fahren sehn.]
     
     
  3. Nargens bleiht de Saat so moje,
     nargens is de Buur so riek,
     nargens sünd de Kojen fetter,
     nargens geiht de Ploog so liek,
     
     nargens girft so faste Knaken,
     weet man leckerder to maken
     [Botter, Kees' un Karmelkbree.]
     
     
  4. War in d' Wagen Torf un Kinner
     worden haalt van 't Hochmoor heer;
     war de hele Welt sük lüstig maakt
     up't Is bi't Genferbeer;
     
     war s' in't Feld mit Kloten scheten,
     war se Bookweit-Schubbers eten,
     [Harm up Freersfoten geiht.]
     
     
  5. För Ostfreesland, för Ostfreesland
     laat ik Bloot un Leven geern,
     weer ik man weer in Ostfreesland,
     war so mennig söte Deern.
     
     In de Frömde wünsk ik faken:
     Kunn 'k doch Moders Breepott kaken
     [hören weer in d' Hörn bi 't Füür.]
     
     

Liederbuch für Niedersachsen

Auswahl u. Bearb. Rolf Wilhelm Brednich in Zusammenarb. mit Roland Wohlfart.
Wolfenbüttel : Möseler, 1994
Umfang:311 S. : überwiegend Noten.
ISBN: 3-7877-1100-7